اعذرونى اخوانى زوار مدونتى عن انقطاعى عن الكتابة فترة طويلة بسبب عدم وجود نية صادقة منى فى الكتابة وكذلك شعور بالاحباط من أحوالنا نحن المصريين فنحن المصريين ننتظر كل عام أن يكون أحسن من السابق ولكن كل يوم يمر يأتى بعده يوم أسوأ منه ففى هذا العام وجدنا العديد من الاعتصامات والاضرابات من العمال والموظفين وكل انسان غلبان فى هذا الوطن هل يعلم رئيسنا المفدى بتلك الاضرابات أم من حوله يخفون عنه الحقائق كما فى السابق حين أتوا بسمك مشوى من المزرعة السمكية للرئيسالى متى يظل رأس الحكم فى وادى والشعب فى وادى أخر هل نما الى علم الحاكم أن هناك من يتقاطى مرتب 90 جنيه ومطلوب منه أن يرتب أموره بهذا المبلغ مع هذا الغلاء الفاحش الذى تصنعه الحكومة وتقدمه لنا أى عبقرية تلك عبقرية وزير همام مشهود له بأنه من أحسن وزراء المالية فى العالم ونحن نفخر بذلك لأن الغالى هذا من أعظم وزراء المالية فى العالم انه يحاول أن يخترع أى حاجة تعكنن على الناس كأنه مش عايش فى مصر ولاننسى السادة أعضاء مجلس الشعب المحترمين الموافقون دائما على الفاضى والمليان أو بمعنى أصح تلاميذ شاطرين لمدرسة الحزب الواحد حزب الحكومة الهمام الذى يحل مشاكلنا جميعا بيوفر فرص عمل بالملايين للغلابة وبيوزع الاراضى على الغلابة من رجال الأعمال اللى بيعملوا علشان الشعب المسكين يأخذوا الاراضى بالملاليم بمباركة الحكومة ويبعوها بالملايين شوفوا الحكومة بتحب شعبها ازاى وعمر الحكومة على فكرة ما بتعمل حاجة غلط أبدا دا حتى السيجارة اللى كان المواطن المصرى بيحرق فيها همومه فرضت عليها ضريبة 50% وزودتها عليه بنقول دى مش مهمة مش أكل ولاشرب تعالوا شوفوا اللحمة والفراخ والسمك والفاكهة بجميع أنواعها والخضروات كل حاجة أصبحت نار يكتوى بها الشعب المسكين بالاضافة لضريبة غالى الجديدة للمسكن أو للعقارات وبكره الحكومة الجليلة الفاضلة النظيفة تخترع ضريبة للنفس اللى بيتنفسه المواطن المصرى وساعتها اخواننا الموافقون فى مجلس الشعب حيسلقوا مشروع القانون ده فى ساعتين وموافقة وتفلاض ضريبة على نفس المواطن المصرىياناس حرام عليكم ده المواطن أصبح نفسه ممزوج بالحزن والمرارة وحرام عليكم ياريت شهر يوليو يتشال من الشهور علشان الناس تقدر تفرح وتحس ساعتها ان مفيش زيادة ياسادة الا تروا معى ان حكومة الشرف والامانه لابد أن ترحل والوزراء الافاضل يرتاحوا لانهم تعبوا من عكننة هذا الشعب ونسيب الوزارة لكوادر جديدة يمكن تقدر تفرح الشعب المصرى ولو مرة أظن مش ممكن أبدا الوزير عندنا ماسك فى الوزارة زى العلقة مايسبهاش الا بالطبل البلدى أو الموت أيهم أقرب الكل ماسك فى الحكم بايده وأسنانه ياريت يكون عندنا تداول للسلطة والوزير اللى مش نافع يسيب الحكم لوزير أخر والرئيس يسيب الحكم لغيره زى بلاد اعالم كلها ولكن أقول احنا من دول العالم الثالث ومش ح نتغير الحكم ملاكى والوزارة ملاكى والشعب ملاكى أما حيعكننوا على مين طبعا علينا احنا يامصر انتى دائما فى قلوبنا ولن ننسى اننا عيشنا على أرضك وأكلنا من غيرك وح نموت على أرضك والفاسد والظالم له يوم واحنا الشعب دائما حنكون عايشين .يارب الهم رئيسنا المحبوب لفعل الخير لهذا الشعب المسكين ووفقه فى عمله ووفق الوزارة.
