سامحك الله ياحضرى..... على ما فعلته بمصر سامحك الله ياحضرى على مافعلته بالمصريين فى هذه الايام ونشوة الانتصار الذى حققناه جميعا بالحصول على كأس أفريقيا بجهودك انت وزملائك اننا كمصريين نعتز بك كأحسن حارس فى أفريقيا ولكن للن نغفر لك ذلك المقلب الذى شربه أولا النادى الاهلى وثانيا مصر انك حقا ياحضرى ليس ملك نفسك بل ملك تلك الجماهير الوفية التى وقفت بجانبك وجعلت منك انسان عظيم مشهوروانت وغيرك من زملائك قدوة للمجتمع هذا وقد قامت الصحف والقنوات الفضائية بتغطية هروب الحضرى ونسيت ان هناك شعب يعانى الامرين فى حياته اليومية من الاسعار والغلاء وطوابير العيش ياجماعة مشاكل هذا الشعب لن تنتهىأبدا ولايمكن هروب الحضرى يحل أى مشكلة وخلصونا من هذا الموضوع والاهلى لن يقوم على لاعب واحد أبدا فالاهلى دائما قويا وصلب وبطل وعصام فى النهاية هو الغلطان ولى سؤال أسأله للجميع هل عصام فى حاجة الى فلوس وأى مستقبل هذا الذى يجرى عليه اسألوه لوكان اشتغل فى الحكومة موظف غلبان كان فى حياته كلها حيحصل كام وكفاية عليه ان معاه الكثير والكثير اننى أعتب على هؤلاء الللآعبين اللى شايفين فعلا الايام دى ليالى القدر الواحد منهم سنه صغير وتلاقيه متجوز وساكن فى شقة فخمة ومعاه فلوس فى البنك وسيارة وال ايه لاعب كرة أمال طالب الطب ماعلى يتخرج ويشتغل طول عمره حيكون معاه كام وح يتجوز امتى ويلاقى شقة فين وامتى يركب سيارة ياجماعة احمدوا ربنا بالاحتراف اللى فتح لكم الابواب الغلقة وسهل لكم كل الامور وأصبحتم بتتكلموا على الملايين كأنها ملآليم أمال باقى الشباب اللى ما بيلعبوش كرة قدم زيكم يعملوا ايه يموتوا بقى ياعينى على الشباب اللى غرقوا على سواحل أوربا علشان يسافروا يمكن يلاقوا لقمة عيش ويعيشوا مستورين يقدروا يتجوزوا ياجماعة أنا نفسى كل لاعب كان يتصور صورة أول ماجه النادى ويحتفظ بها علشان يشوف نفسه قبل النعمة وبعد النعمة علشان يشكر ربه ويقبل ايده وأيد من السبب فى سعده ولا يبص على أى واحد صاحبه وفى سنه يلاقيه ياعينى شغال منادى على ميكروباس وأو بيشيل طوب ورمل أو شغال فى مصنع عامل وبقاله حوالى عشرين سنة حاصل على المؤهل ومش لاقى شغل أعتقد ان عصام الحضرى سافر الى الخارج علشان يكون نفسه علشان هوه محتاج ومش لاقى يأكل ياجماعة احمدوا ربنا انه أنعم عليكم من أوسع ابوابه وبصوا لتحت شوية وتشوفوا معاناة الشباب اللى فى سنكم عاملين ايه حتقولوا ألف حمد وشكر لك يارب ولا الانسان دائما طماع.الى جميع المسئولين عن القنوات الفضائية والصحف موضوع الحضرى أخذ أكثر من حقه هل لديكم حلول لانقاذ شبابنا من الضياع طبعا لأ لأنكم أصبحتم من أصحاب الحظوة أيضا شباب ايه احنا فاضيين المهم الحضرى واللى عمله