احنا قلنا ان الريس طلع معلم وطلع صاحب ضربة فى مقتل لكل المعارضين ولعب معاهم لعبة كلها سياسة وفيها شىء من المهارة والحنكة لأبن بلد صحيح عندما أعلن أن العلاوة الاجتماعية 30% وقلنا خلاص الريس عمل انجاز غير مسبوق وأنا أول شخص وجهت شكر للرئيس وجلست أنا وعائلتى بالورقة والقلم نحسب الزبادة ح تكون كام جنيه وح نأخذ كام ونشوف ايه الجديد فى حياتنا وهل السنة دى حتكون أحسن من اللى فاتت وفعلا فرحنا زى أى مصريين وطبعا كل مصرى كان فى غاية الفرح ونام يوم الأربعاء وهو يحلم أحلام سعيدة والافكار راحت لأبعد من كده بعد خمس سنين لما تضاف تلك العلاوة للأساسى حترفع الاساسى رفعة هائلة ومر يوم واثنين لغاية مساء أمس الاثنين 5/5/2008 مجلس الشعب اجتمع علشان يناقش مقترحات لجنة الخطة والموازنة لرئيسها ملياردير مصر الأوحد أحمد عز والذى بعد دراسة مستفيضة قرر رفع أسعار بعض السلع علشان يقدروا يوفروا فلوس العلاوة الاجتماعية وطبعا الرفع للسلع مكانشى فيه رحمة بالشعب المسكين دول ولعوا فى الشعب والأفراح اللى كانت من يومين انقلبت لنكد وغم وده طبعا من أفكار الحكومة الذكية ووزيرها العبقرى وزير المالية ياناس الشعب مش ناقص أحزان خلوا الشعب يفرح حتى اسبوع أو شهر بالكثير ما على يقبض الفلوس فى ايده وابقوا اصطادوها زى ماانتم عايزين على البطىء أو السريع ولا موتوا الشعب وخذوا الفلوس منه يكون ارتاح من الفلوس ومنكم ياناس لوفكرتوا فى مصر كام مليلردير لو كل واحد فيهم أسهم ولو بجزء من ماله وأنا عارف انهم يقدروا علشان عددهم كثير فعلا لوجه الله وللشعب الطيب ده كانت الفلوس فى لحظة حتكون جاهزة ومنقولشى ده تبرع لأنه عيب شعب مصر عمره مايشحت فلوسه وخيره يشوفوا هما الأغنياء المحظوظين مصر أعطتهم الكثير بالأضافة انهم استنزفوا دم هذا الشعب ومقدراته وهم ازدادو غنى والشعب ازداد فقر وطبعا هما حظوة محظوظةوفوق القانون ياأيها النائب المحترم رئيس لجنة الخطة والموازنة ألم تشعر انك أوقعت ظلم على أنا وأمثالى من الشعب المصرى عندما اقترحت هذه الاقتراحات التى ليست فى صالح الشعب والتى ستؤدى فى النهاية الى زيادة رهيبة فى الاسعار يكتوى بنارها أنا وكل مصرى من شعب مصر معدومى الدخل لنظل نعيش نحن كمصريين مع حكومتنا لعبة القط والفأر فهى الأقوى ونحن الغلابة فهى تأمر ونحن بالأمر ننفذ مش قلت لكم من قبل دى حكومة عرجاء وشوف فى القرارات اللى حتنكد على الشعب وتقلق راحته استعملت الرجل السليمة والسريعة وطبعا بقية أعضاء المجلس الموقر كلهم حضروا علشان يكملوا الطبخة ومتنسوش مع موافقة بالأغلبية والله حرام عليكى ياحكومة علشان كده أنا زعلان منك وطبعا انتى مايهمكيشى زعلى ولازعل أى مصرى لأنك مش بتاعة الغلابة علشان كده حتروحى النار وشوفى اذا كان ربنا حيسامحك ولا لأ!
هناك تعليقان (2):
فعلا الموضوع حاجة حلوة وفعلا الحكومة حتروح نار جهنم وبئس المصير فى اللى بيعملوه فينا حسبى الله ونعم المصير
شكرا أخى الحبيب على مرورك الكريم والواحد بيعبر عن استيائه من تلك الحكومة اللى نظفت الناس من كل حاجة
إرسال تعليق